Масъалаҳои амиқсозии минбаъдаи муносибатҳои шарикии стратегии Ӯзбекистону Озарбойҷон ва рушди ҳамкориҳои гуногунҷанба, пеш аз ҳама дар соҳаҳои сиёсӣ, тиҷоратӣ-иқтисодӣ, нақлиёту коммуникатсия, фарҳангу гуманитарӣ баррасӣ гардиданд.
Сарвари давлатамон тайи солҳои охир ба даст омадани сатҳи баланди рушди муносибатҳои ду кишварро, ки халқҳои онҳоро дину мазҳаб, арзишҳои маънавӣ, анъанаҳои якхела, забон ва фарҳанг ба ҳам зич мепайвандад, қайд намуд.
Раҳбари Ӯзбекистон мардуми Озарбойҷонро ба муносибати 100-солагии ҷашни арбоби барҷастаи давлатӣ, Пешвои миллӣ Ҳайдар Алиев табрик гуфт.
Президентҳо ба натиҷаҳои анҷумани тиҷоратӣ бо иштироки ширкатҳои Ўзбекистон ва Озарбойҷон, ки ба қарибӣ баргузор гардид, баҳои баланд доданд.
Афзоиши босуръати ҳамкориҳои тиҷоратӣ ва саноатӣ бо қаноатмандӣ қайд карда шуд. Зикр гардид, ки тамоми имкониятҳо мавҷуд аст, ки гардиши мол дар солҳои наздик тавассути иваз намудани воридоти гаронарзиш аз кишварҳои сеюм ба маҳсулоти истеҳсолкунандагони миллии арзон ва босифат ба 1 миллиард доллар расонида шавад.
Президентҳо дар бораи рушди кооператсияи саноатӣ ҳарф зада, аз созишномаҳои қатъӣ оид ба татбиқи муштараки лоиҳаҳои муҳим дар соҳаҳои энергетика, металлургия, маъдани кӯҳӣ, мошинсозӣ, электротехника, бофандагӣ, дорусозӣ, агросаноатӣ ва дигар истиқбол намуданд.
Барои дастгирии чунин лоиҳаҳо аҳамияти азхудкунии фаъолонаи маблағҳои Фонди муштараки сармоягузорӣ қайд карда шуд.
Ба рушди ҳамкориҳои байниминтақавӣ, аз ҷумла, роҳандозии робитаҳои мустақим ва вохӯриҳои мунтазами роҳбарони маъмуриятҳои вилоятҳо ҷиҳати пешбурди лоиҳаҳои нави ҳамкорӣ бо назардошти иқтидорҳои саноатии онҳо изҳори дастгирӣ карда шуд.
Раҳбарони ду кишвар рушди ҳамкорӣ дар соҳаи нақлиёт ва транзитро аз ҷиҳати стратегӣ муҳим унвон карданд.
Соли гузашта ҳаҷми кашондани борҳои Ӯзбекистон ба воситаи бандари Боку қариб ду баробар афзуд. Ўзбекистон ният дорад минбаъд низ боркашониро бо истифода аз шабакаи ҳозиразамони нақлиётии Озарбойҷон истифода бурда вусъат диҳад.
Дар ин замина тадбирҳо ҷиҳати таъсиси ширкати муштараки логистикӣ дар чаҳорчӯби долони Транскаспий, ҳамчунин бунёди инфрасохтори амбор ва марказҳои логистикӣ дар бандарҳои Боку ва кишварҳои сеюм баррасӣ шуданд.
Барои таҳкими робитаҳои фарҳангию гуманитарӣ, аз ҷумла дар бораи баргузории Рӯзҳои фарҳангу кино, мулоқотҳои зиёиёни эҷодкор ва илмӣ, созмонҳои ҷавонон як қатор созишномаҳои дигар ба даст омадаанд.
Дар рафти ҷаласа маърӯзаҳои роҳбарони идораҳои корҳои хориҷӣ, ҳамраисҳои Комиссияи байниҳукуматӣ, вазирони нақлиёт ва энергетика, кишоварзӣ ва фарҳанг оид ба рӯзномаи музокирот шунида шуданд.
Дар натиҷа сарони давлатҳо дастур доданд, ки як қатор «харитаҳои роҳ»-ро таҳия намуда, механизмҳои татбиқи босамари тавофуқоти ҳосилшуда таъсис дода шаванд.
