Дар кори он иштироки Президенти Афғонистон, сарвазири Покистон, Намояндаи олии Иттиҳоди Аврупо оид ба корҳои хориҷӣ ва сиёсати амният, ноиби президенти Комиссияи Аврупо Жосеп Боррелл, роҳбарони идораҳои корҳои хориҷии зиёда аз 20 кишвар, роҳбарони ташкилотҳои бонуфузи байналмилалӣ ва минтақавӣ ба назар гирифта шудааст. Шумораи умумии иштирокчиён аз 600 зиёд аст.
Дабири кулли СММ Антониу Гутерреш паёми видеоӣ ироа хоҳад кард.
Ташаббускори баргузории форум Шавкат Мирзиёев мебошад. Чорабинӣ ба таҳкими робитаҳои дӯстона, эътимод ва ҳамсоягии нек байни давлатҳои Осиёи Марказӣ ва Ҷанубӣ равона шудааст.
Дар ҷараёни ҷаласаҳои умумӣ ва сексионӣ имкониятҳои минбаъд амиқтар кардани робитаи минтақавӣ, аз ҷумла нақши ҳамкориҳои тиҷоратӣ ва нақлиётӣ дар таъмини рушди устувор, таҳкими дӯстӣ ва эътимоди тарафайн тавассути эҳёи робитаҳои фарҳангию гуманитарӣ, инчунин даъватҳо ва таҳдидҳо дар соҳаи амнияти минтақавӣ баррасӣ хоҳанд гардид.
Ба ғайр аз конфронси байналмилалӣ, сарвари давлати мо бо Президенти Афғонистон ва сарвазири Покистон, вазирони корҳои хориҷии Чин, Русия, Ҳиндустон, Арабистони Саудӣ, давлатҳои Осиёи Марказӣ ва дигар кишварҳо, инчунин бо раҳбари дипломатияи Аврупо, мулоқот анҷом медиҳад.
