Барои ба амал баровардани иқтидори бузурги агросаноатии Қароқалпоқистон, пеш аз ҳама, бо об таъмин кардан зарур аст. Аз соли 2015 бо ширкати Бонки ҷаҳонӣ лоиҳаи арзишаш 260 миллион доллар барои беҳбуди идораи об дар минтақа амалӣ шудааст. 650 километр канал ва 556 иншооти гидротехникӣ барқарор карда, зиёда аз 5 ҳазор гектар замин бо лазер ҳамвор карда шуд.

Дар натиҷаи ташкили пурсамари кор ва маҳаллигардонии бисёр кисмҳо имкон фароҳам омад, ки хароҷоти лоиҳавӣ 48 миллион доллар кам карда шавад. Аз ин лиҳоз, пешниҳод карда мешавад, ки лоиҳа бо равона кардани маблағҳои сарфашуда ба ноҳияҳои Берунӣ, Турткӯл ва Элликқала идома дода шавад. Ба туфайли ин барқарор намудани 216 километр канал ва 406 иншооти гидротехникӣ пешбинӣ шудааст. Дар натиҷаи ин дар ин ноҳияҳо бо об таъмин намудани 30 ҳазор гектар замин беҳтар шуда, 300 миллион мукаабметр об сарфа мешавад.

Сарвари давлат ин пешниҳодро маъкул дониста, оид ба кишти зироатҳои сердаромад, ҷорӣ намудани технологияи сарфаи об дар заминҳои дар лоиҳа пешбинишуда супоришҳо дод.

Вилоятҳои Андиҷон, Намангон ва Фарғона заминҳои ҳосилхез доранд. Аммо бо сабаби фарсуда шудани 235 стансияи насосӣ таъминоти оби 380 ҳазор гектар мушкил шуда, 60 ҳазор гектараш аз муомилот баромадааст. Ғайр аз ин, ин стансияҳои насосӣ назар ба муқаррарӣ 1,5-2 баробар зиёд қувваи электр сарф мекунанд.

Аз ин рӯ, дар ин минтақаҳо дар ҳамкорӣ бо Бонки аврупоии таҷдид ва рушд стансияҳои обкашӣ ба нақша гирифта шудааст. Дар марҳалаи аввал навсозии 118 стансияи насосӣ дар назар аст.

Дар натиҷа 30 ҳазор гектар замин ба муомилот баргардонда шуда, бо об таъмин намудани 57 ҳазор замини обӣ беҳтар мегардад. Ба таври илова 4 375 қитъаи наздиҳавлигӣ бо оби обёрӣ таъмин карда шавад. Дар як сол 290 миллион киловатт-соат қувваи барқ сарфа карда мешавад.

Аз ҳисоби кам кардани хароҷоти энергетикӣ ва истифодабарӣ лоиҳа дар давоми 7 сол пӯшонда хоҳад шуд.

Президент зарурати ҷалби бештари соҳибкорони маҳаллӣ ба татбиқи лоиҳаро таъкид кард.