Тибқи рӯзномаи ҷаласа масъалаҳо дар бораи вазъи тартиби номнавискунии намояндагони воситаҳои ахбори омма, омодагӣ ва маблағгузории раъйпурсии Ҷумҳурии Ӯзбекистон, инчунин масъалаи тасдиқи дастур оид ба тартиби истифодаи маблағҳо баррасӣ шуданд.

Дар ҷамъомад таъкид гардид, ки барои ба таври васеъ, таъҷилӣ ва озод паҳн кардани ахбори боэътимод аз ҷониби намояндагони ВАО, аз он ҷумла дар тартиби дар ҳуҷҷатҳои қонунгузории Ҷумҳурии Ӯзбекистон муайяншуда пеш бурдани фаъолияти онҳо, онҳо бояд номнавис карда шаванд.

Тибқи низомнома, аз рӯзи интишори қарор дар бораи таъини раъйпурсӣ воситаҳои ахбори омма метавонанд на дертар аз даҳ рӯз пеш аз баргузории раъйпурсӣ барои аккредитатсияи намояндагони худ ба КМИ муроҷиат намоянд.

Ҳамчунин бар асоси ин мавзӯъ дар мулоқот ба аккредитатсияи намояндагони васоити ахбори дохилию хориҷӣ, ҳуқуқ ва ӯҳдадориҳои онҳо таваҷҷуҳ зоҳир карда шуд.

Аз рӯи масъалаи дуюми рӯзномаи ҷаласа масъалаи тасдиқи дастур оид ба тартиби омодагӣ ва маблағгузории баргузории референдуми Ҷумҳурии Ӯзбекистон, инчунин истифодаи маблағҳо баррасӣ шуд. Тибқи он вазифаҳои муҳими омодагӣ ба раъйпурсӣ, банақшагирӣ ва иҷрои хароҷоти баргузории он, баҳисобгирии сарватҳои моддӣ дар рафти раъйпурсӣ баррасӣ шуданд, хабар медиҳад дафтари матбуоти Комиссияи марказии интихоботӣ.