Мавзӯи мулоқот фаъолсозӣ ва амиқсозии шарикӣ ва таҳкими ҳамкориҳои амалӣ дар бахши кишоварзии ду кишвар мебошад.
Дар рӯзномаи ҷамъомад масъалаҳои созишномаҳои сатҳи олӣ, чорводории муштарак, таъсиси корхонаҳои коркарди гӯшт дар Ӯзбекистон ва ғайра баррасӣ шуданд.
«Мо ба таҳкими муносибатҳои тиҷоратӣ аҳамияти махсус медиҳем. Дар моҳҳои январ-сентябри соли ҷорӣ воридоти мутақобилаи маҳсулоти кишоварзӣ ва озуқаворӣ беш аз 2,5 баробар афзуда, қариб ба 3 миллион доллари ИМА расид. Мо ба идомаи афзоиши ҳаҷми воридоти гӯшт аз Муғулистон манфиатдорем ва пешниҳод менамоем, ки воридоти меваю сабзавоти Ӯзбекистон, аз ҷумла ангур, харбуза, карам, зардолу, инчунин маҳсулоти хӯрокворӣ, аз қабили маҳсулоти қаннодӣ ва нонпазӣ, вино ва ғайра зиёд гардонда шавад, – гуфт Азиз Воитов.
Вазирон ҳамчунин масъалаи таъсиси хоҷагиҳои муштараки фермерӣ дар Муғулистон барои парвариши чорво ва содироти минбаъдаи гӯшт ба Ӯзбекистон ва таъсиси корхонаҳои коркарди муштарак дар Ӯзбекистонро баррасӣ карданд.
