Ширкати «Uzbekistan Airways» хабар медиҳад, ки миқдори парвозҳои ҳавоиро тавассути хатсайри «Тошканд – Шарм-эл-Шейх – Тошканд» афзун мегардонад. Ҳоло ба шаҳри курортии Миср парвозҳои байналхалқӣ ҳафтае як маротиба — рӯзҳои шанбе анҷом дода мешаванд.
Шурӯъ аз 23 ноябри соли ҷорӣ «Uzbekistan Airways» дар ин самт рӯзҳои чоршанбе парвозҳои иловагӣ ҷорӣ мекунад.
Нархи билети ҳавопаймо бо бағоҷ дар хатсайри “Тошканд – Шарм-эл-Шайх” аз 2 396 845 сӯм ва дар хатсайри “Тошканд – Шарм-эл-Шайх – Тошканд” аз 4 412 808 сӯм оғоз мешавад.
