Дар вохӯрӣ бо иштироки намояндагони масъули вазоратҳои нақлиёти ҳарду кишвар масоили рушди боркашониҳои байналмилалии автомобилӣ ва фароҳам овардани шароити мусоид барои нақлиётчиёни миллӣ муҳокима шуданд.
Тарафҳо оид ба вазъи кунунӣ ва дурнамои рушди минбаъдаи боркашониҳои байналмилалии автомобилӣ байни кишварҳо табодули афкор карданд.
Дар ҷараёни мулоқот намояндагони ҳарду ҷониб махсусан таъкид карданд, ки дар ин соҳа имкониятҳои зиёде барои рушди минбаъда мавҷуданд. Аз ин рӯ, ҷонибҳо мувофиқа карданд, ки шумораи варақаҳои иҷозатномадиҳандаро барои соли 2025 ду маротиба зиёд намоянд.
Илова бар ин, масъалаҳои марбут ба татбиқи низоми мубодилаи электронии варақаҳои иҷозатдиҳӣ «E-Permit» байни кишварҳо бо мақсади суръат бахшидан ба раванди боркашониҳо мавриди баррасӣ қарор гирифтанд.
