Дар доираи конфронс таҳрири нави Кодекси ҷаҳонии зиддидопинг баррасӣ мешавад, ки аз соли 2027 мавриди амал қарор мегирад. Ба ҳуҷҷати таҷдидшуда як қатор навовариҳои муҳим ворид карда шудаанд, ки ба баланд бардоштани шаффофият ва самаранокии низоми байналмилалии зиддидопинг, ҳамчунин ба тақвияти ҳифзи ҳуқуқи варзишгарон равона шудаанд.
Ҳайати вакилони Ӯзбекистон бо Президенти Кумитаи байналмилалии олимпӣ (МОК) Кирсти Ковентри, Президенти WADA Витолд Банка, Президенти фахрии МОК Томас Бах ва дигар намояндагони баландпояи ҷомеаи ҷаҳонии варзиш мулоқотҳо анҷом медиҳад. Дар ҷараёни вохӯриҳо дурнамои густариши ҳамкорӣ ва рушди минбаъдаи ташаббусҳои зиддидопингӣ мавриди баррасӣ қарор хоҳад гирифт.
Инчунин дар рафти мулоқотҳо масъалаҳои ташкилии омодагӣ ба ҷаласаи солонаи ҳисоботии Ташкилоти минтақавии зиддидопинг (RADOCA), ки баргузории он рӯзҳои 26–27 январи соли 2026 дар Ӯзбекистон ба нақша гирифта шудааст, баррасӣ мешаванд.
