Дар кори он олимон, коршиносон, намояндагони парлумонҳо, роҳбарони вазорату идораҳо, арбобони давлатӣ ва ҷамъиятӣ, инчунин роҳбарони ташкилотҳои ғайридавлатию ғайритиҷоратии Қазоқистон, Қирғизистон, Тоҷикистон ва Озарбойҷон иштирок намуданд.
Аъзои Кумитаи Сенати Олий Маҷлис оид ба масъалаҳои илм, маориф ва тандурустӣ Гулнора Маруфова дар суханронии худ таъкид кард, ки ин форум ба таҳкими ҳамдигарфаҳмии байни халқҳо ва рушди ҳамкории судманд равона шудааст.
Дар доираи чорабинӣ маросими гулгузорӣ ба «Стелаи дӯстӣ», ки дар ноҳияи Ӯзбекистон воқеъ аст, баргузор гардид.
Иштирокчиёни форум инчунин дар конференсияи илмӣ-амалӣ дар Донишгоҳи давлатии Фарғона таҳти унвони «Стелаи дӯстӣ — рамзи дӯстӣ, ҳамсоягии нек, эътимод ва шарикии стратегӣ байни кишварҳои бародар» иштирок карданд.
Дар доираи чорабинӣ масъалаҳои таҳкими робитаҳо дар соҳаи илм, эътимоди мутақобила ва рушди шарикии стратегӣ баррасӣ гардиданд. Иштирокчиён таъкид карданд, ки ин конференсия барои ба сатҳи нав баровардани ҳамкориҳои минтақавӣ аҳамияти муҳим дорад.
