Муайян гардид, ки адвокат ҳангоми гирифтани 2 ҳазор доллари ИМА, ки онҳоро бо роҳи қаллобӣ ба даст оварда буд, дастгир шудааст. Маблағҳои пулӣ мусодира шуда, ҳамчун далелҳои шайъӣ ба парванда замима гардиданд.
Тибқи маълумоти тафтишот, адвокат ваъда додааст, ки масъалаи татбиқ нагардидани чораи пешгирӣ дар шакли ҳабс нисбат ба гумонбар дар парвандаи ҷиноятӣ, ки тибқи моддаи 168 Кодекси ҷиноятии Ҷумҳурии Ӯзбекистон оғоз гардида ва дар баррасии воҳиди тафтишотии шуъбаи корҳои дохилии ноҳияи Шайхантаҳур қарор дошт, «ҳал» мекунад. Дар ин ҳол ӯ ба гӯё доштани робитаҳо бо шахсони мансабдор ишора намудааст.
Айни замон нисбат ба адвокат тибқи қисми 3 банди «в»-и моддаи 168, инчунин қисми 1 моддаи 28 ва моддаи 211 Кодекси ҷиноятии Ҷумҳурии Ӯзбекистон парвандаи ҷиноятӣ оғоз гардида, ҳамчун чораи пешгирӣ ҳабс интихоб шудааст.
Амалиётҳои тафтишотӣ идома доранд.
