Дар ҷаласа татбиқи лоиҳаи нави инвеститсионӣ барои истеҳсоли либоси замонавӣ ва ташкили ҷойҳои нави корӣ баррасӣ шуд, хабар медиҳад хадамоти матбуоти ҳокимияти вилояти Тошканд.
Барои амалӣ кардани ин ташаббус гуфтушунидҳои расмӣ гузаронида шуданд.
Ширкати Кореяи Ҷанубӣ дар тӯли зиёда аз 40 сол корпоратсияи пешрафтаи ҷаҳон дар соҳаи либоси тайёр, пойафзол ва матоъҳои техникӣ буд. Он ба чунин брендҳои маъруфи ҷаҳонӣ, ба монанди Nike, Adidas ва Lacoste, либосҳои тайёр омода мекунад ва ҳаҷми содироти солонааш 3 миллиард долларро ташкил медиҳад.
Тибқи иттилои ҳокимият, фабрикаи истеҳсоли либоси тайёр дар вилояти Тошканд ҷойгир хоҳад шуд. Барои сохтмони он 6 миллион доллар сармоя ҷудо карда мешавад. Корхонаи нав то 700 ҷои корӣ фароҳам меорад.
Дар ҳоли ҳозир, дар вилоят марҳилаи аввали хатҳои истеҳсолӣ оғоз ёфта, 200 ҷойҳои корӣ муҳайё карда шуданд. Дар семоҳаи сеюми соли равон ва дар соли 2022, хатҳои боқимондаи технологӣ ба истифода дода мешаванд.
