Дар ин бора хидмати матбуоти Вазорати таълими томактабӣ ва мактабӣ хабар медиҳад.
Дар асоси қарори Девони Вазирон аз 2 августи соли 2022, № 425 тамоми марҳилаҳои интихоби омӯзгорони соҳибихтисос гузаронида шуда, ба онҳо аз ҳисоби Фонди вазир ба андозаи 5 миллион сӯм иловапулии ҳармоҳа пардохт карда мешавад. Аз зиёда аз 5000 номзади аз ҷониби Шӯроҳои вилоятӣ пешниҳодшуда то моҳи декабри соли 2023 танҳо 1697 омӯзгор ҳуқуқи гирифтани иловапулии ҳармоҳаро ба даст оварданд.
Ба иттилои ин идора, барои муайян кардани ҷоизадорон, интихоб дар ду марҳила сурат гирифт: нахуст аз ҷониби Маркази давлатии тестӣ барои баҳодиҳии сатҳи дониш санҷишҳо гузаронида шуда, баъдан маҳорати омӯзгории онҳо арзёбӣ гардид.
“Умедворам, ки ин низоми ҳавасмандгардонӣ барои омӯзгорони лауреат дар фаъолияти минбаъдаи онҳо ҳамчун рағбат хидмат мекунад. Мутаассифона, якбора ба система дохил кардани ҳамаи муаллимон имконнопазир аст. Мехостам, ки дигар омӯзгорон ҳам дар болои худ кор кунанд, зеро имкони лауреат шудан ҳамасола дода мешавад», - гуфт вазир Ҳилола Умарова.
Бо рӯйхати пурраи ғолибон бинобар истинод шинос шудан мумкин аст.
