Классификатори мазкур қариб 114 ҳазор номгӯи ресурсҳоро (масолеҳи бинокорӣ, таҷҳизот ва намудҳои кор) дар бар мегирад, ки онҳо бинобар қисмҳо, бобҳо ва гурӯҳҳо тасниф карда мешаванд.
Ҳар як захира дар таснифкунанда рамзи ягонаи худро дорад.
То охири соли ҷорӣ тавассути ташкили табодули маълумот оид ба нархҳо дар "Таснифи миллии захираҳои сохтмон" дар ҳамкорӣ бо истеҳсолкунандагон ва субъектҳои соҳибкории соҳаи хизматрасонӣ ва Биржаи молу ашёи хом инчунин "Каталоги электронии нархҳои ҷорӣ ба захираҳои моддию техникӣ" низ ба вуҷуд оварда мешаванд.
Бо мақсади таъмини сифат дар сохтмон ва озмоиши масолеҳи сохтмонӣ дар асоси стандартҳои байналмилалӣ дар назди Маркази ҷумҳуриявии стандартизатсия дар сохтмон Лабораторияи маҷмўи озмоишӣ таъсис дода шуд. Ин лаборатория бо таҷҳизоти муосир муҷаҳҳаз буда, беш аз 100 усули санҷишро бар асоси стандартҳои байналмилалӣ анҷом медиҳад.
Ҳадаф аз он иборат аст, ки миқдори усулҳои озмоиши маводҳои сохтмонӣ дар асоси андозаҳои байналмилалӣ то ба 500, дар соли 2025-ум 1500 усулҳои озмоиш фаро гирифта шаванд.
