ЮНЕСКО (Муассисаи СММ оид ба масъалаҳои маориф, илм ва фарҳанг) даъват кардааст, ки истифодаи смартфонҳо дар мактабҳо манъ карда шавад, то ба халалдор шудани тартибот дар синфхонаҳо, беҳтар кардани таҳсил ва кумак ба ҳифзи кӯдакон аз таҷовузи киберӣ мусоидат кунад.
Дар ин гузориш гуфта мешавад, ки истифодаи аз ҳад зиёди телефонҳои мобилӣ бо коҳиши давомоти хонандагон рабт дошта, дуру дароз дар назди экран мондан ба суботи эҳсосии кӯдакон таъсири манфӣ мерасонад.
Дар ЮНЕСКО таъкид карданд, ки технология "аслан барои таълим пешбинӣ нашудааст", аз ин рӯ, он бояд ба консепсияи ба инсон нигаронидашуда мувофиқ бошад ва ҳамкории мустақимро бо муаллим иваз накунад.
Дар гузориш гуфта мешавад, дар ҳоле ки технология имкони боз кардани имкониятҳои таҳсил барои миллионҳо одамонро дорад, дастрасӣ ба неруи барқ ва дастгоҳҳо дар доираи кишварҳои ҷудогона ва байни онҳо нобаробар тақсим шудаанд.
"Инқилоби рақамӣ дорои потенсиали беандоза аст, аммо ... бояд ба он таваҷҷуҳ кард, ки он дар таълим чӣ гуна истифода мешавад" гуфт директори генералии ЮНЕСКО Одри Азулей. «Истифодаи технология бояд ба такмили раванди таълим ва ба манфиати хонандагону омӯзгорон равона карда шавад, на ба зарари онҳо».
Бар асоси таҳлили 200 системаи маориф дар саросари ҷаҳон, ЮНЕСКО тахмин мекунад, ки дар ҳар чорумин кишвар смартфонҳо дар мактабҳо ё бо қонун ё аз ҷониби ҳукумат манъ шудааст. Ба онҳо Фаронса, ки сиёсати худро дар соли 2018 ҷорӣ кардааст ва Нидерландия, ки аз соли 2024 маҳдудият ҷорӣ хоҳад кард, дохил мешаванд.
