Тибқи қарори сарвари давлат, аз нимсолаи дуюми соли 2025 дар соҳаи пешгирии коррупсия экспериментҳои ҳуқуқӣ ҷорӣ карда шуданд. Дар доираи он, шӯъбаи назорати комплаенси Вазорати тандурустӣ, ҳамроҳ бо дигар ниҳодҳо, фаъолияти худро таҳти роҳбарии Агентии мубориза бар зидди коррупсия ба роҳ мемонад.

Дар муддати кӯтоҳ, бо шарофати кори муштарак ва таҳкими назорати дохилӣ, дар низоми тандурустӣ сатҳи кушодагию ҳисоботдиҳӣ баланд гардида, инчунин дар пешгирии хатарҳои коррупсионӣ натиҷаҳои назаррас ба даст оварда шуданд.

Коҳиши шумораи ҳуқуқвайронкуниҳо

Бино ба маълумоти мақомоти масъул, шумораи ҷиноятҳои коррупсионӣ дар соҳа коҳиш ёфт:

соли 2024 — 527 ҳолат,

соли 2025 — 498 ҳолат, ки ин нисбат ба як сол қабл 29 ҳолат (5,6%) кам мебошад.

Стандартҳои байналмилалӣ ва назорати манфиатҳо

Вазорати тандурустӣ сертификати ISO 37001:2025 «Anti-bribery management systems»-ро гирифт — ин стандарт бори аввал дар соҳаи тибби кишварҳои Осиёи Марказӣ ҷорӣ шудааст.

Дар маҷмӯъ 1 280 ҳолати хавфи бархӯрди манфиатҳо ошкор гардид:

227 корманд аз вазифа озод карда шуданд,

485 нафар дар доираи ротация ба вазифаи дигар гузаронда шуданд.

Илова бар ин, 9 842 роҳбар ва шахсони аз ҷиҳати моддӣ ҷавобгар декларасияи солонаи худро дар бораи бархӯрди манфиатҳо пешниҳод карданд.

Самараи иқтисодӣ ва ошкор шудани қонуншиканиҳо

Дар низоми хариди давлатӣ механизми назорати уҳдадориҳои кафолатнок оид ба таҷҳизоти тиббӣ ва бозбинӣ кардани нархҳои кору хизматрасониҳо ҷорӣ карда шуд. Дар натиҷа:

247 млрд сӯм сарфа карда шуд,

аз банақшагирии ҳадди зиёдатӣ ба маблағи 10 млрд сӯм пешгирӣ шуд.

Ҳангоми санҷишҳо 3 ҳолати расонидани зарари моддӣ ба маблағи умумии 5,5 млрд сӯм ошкор гардид ва нисбат ба онҳо парвандаҳои ҷиноятӣ оғоз шудаанд.

Ҳамчунин тақрибан 100 млн сӯм маблағҳои ғайриқонунӣ пардохтшуда ба буҷети давлатӣ баргардонида шуд.

Масъулияти шахсони мансабдор

Барои иҷро накардани чораҳои пешгирии коррупсия:

91 шахси мансабдор ба ҷавобгарии интизомӣ кашида шуд,

11 нафар ба ҷавобгарии маъмурӣ,

15 нафар аз вазифа озод шуд,

3 парвандаи ҷиноятӣ оғоз гардид.

Воситаҳои рақамӣ ва ҳамкории байниидоравӣ

Тавассути платформаи электронии «E-Anticor.uz» риояи қонунгузорӣ дар бораи бархӯрди манфиатҳо санҷида шуд, ки дар натиҷа 366 хавфи коррупсионӣ ошкор гардид.

Барои ошкорсозии саривақтии ҳуқуқвайронкуниҳо механизми мубодилаи маълумот байни Агентии мубориза бар зидди коррупсия, Суди олӣ, ВКД, Палатаи ҳисоб ва Кумитаи рушди рақобат ба роҳ монда шудааст.

Васеъ кардани низоми мониторинг

Харитаи хатарҳои коррупсионӣ навсозӣ карда шуд — рӯйхати самтҳо ва вазифаҳои дорои сатҳи баланди хатар то 49 мавқеъ васеъ гардид (дар соли 2024 — 26 мавқеъ).

Дар 72 муассисаи тиббии минтақаҳо санҷишҳои сайёр гузаронида шуданд, инчунин таҷрибаи экспертизаи зиддикоррупсионии санадҳои меъёрӣ ҷорӣ гардид.

Дар давраи ҳисоботӣ:

11 лоиҳаи қонун,

36 ҳуҷҷати Президент ва Девони Вазирон,

27 санади идорӣ азэкспертиза гузаронида шуд.

Агентии мубориза бар зидди коррупсия таъкид мекунад, ки чораҳои андешидашаванда ба коҳиши низомии хатарҳои коррупсионӣ, баланд бардоштани шаффофият ва самаранокии идоракунӣ дар соҳаи тандурустӣ равона шудаанд.