Ayoldan shaxsiy ma’lumotlarini tarqatish bilan qo‘rqitib, pul talab qilgan tovlamachining qilmishlariga chek qo‘yildi

Voqea-hodisalar 25 iyl 2023, 14:42 1 027

Namangan viloyati To‘raqo‘rg‘on tumanida yashovchi 23 yoshli (ayol) O.G. IIOga murojaat qilib, "noma’lum shaxs" sir saqlanishi lozim bo‘lgan ma’lumotlarini oshkor qilish bilan qo‘rqitib, undan pul talab qilayotganligini ma’lum qilgan.

Tezkor-qidiruv tadbirlari natijasida, mazkur jinoyatni Namangan shahrida yashovchi 21 yoshli (erkak) M.A. sodir etganligi aniqlangan.

Gumonlanuvchi M.A. Namangan tumani Qo‘qonqishloq MFY hududida O.G.ning uyali telefon qurilmasini ochiqdan-ochiq tortib olib, agar 1 million so‘m pul bermasa, uning “Telegram” messenjeridagi shaxsiy yozishmalari va suratlarini Internet tarmog‘i orqali barchaga tarqatishini aytib, po‘pisa qilganligi ma’lum bo‘ldi.

Mazkur holat yuzasidan O‘zbekiston Respublikasi JKning 165-moddasi 1-qismi bilan jinoyat ishi qo‘zg‘atilib, M.A.ning sodir etilib, fosh etilmay qolgan boshqa shu turdagi jinoyatlarga aloqadorligini tekshirish maqsadida tezkor-surishtiruv ishlari olib borilmoqda.

Qonunga muvofiq, O‘zbekiston Respublikasi Jinoyat kodeksining 165-moddasi 1-qismidagi jinoiy xatti-harakatlar uchun 3 yildan 5 yilgacha ozodlikdan mahrum qilish jazosi nazarda tutilgan.