Joriy yilning 7-8-may kunlari Boysun tumanidagi soʻlim Padang qishlogʻida “Boysun bahori” ochiq folklor festivali boʻlib oʻtadi.
Shu munosabat bilan Surxondaryo viloyat hokimligi hamda Davlat soliq qoʻmitasi huzuridagi Kadastr agentligi tizimidagi “Geoinnovatsiya markazi” korxonasi bilan hamkorlikda dronlar shousi boʻlib oʻtadi.
“Voha ahli va mehmonlarini unutilmas taassurotlarga boy boʻlgan xalqaro festivalga taklif etamiz”, deyiladi Surxondaryo viloyati hokimligi Matbuot xizmati xabarida.
Surxondaryo viloyatining Boysun tumanida oʻtkaziladigan “Boysun bahori” xalqaro folklor festivali mehmonlariga yanada qulaylik yaratish maqsadida 2022-yilning 7-may kuni Andijon-Termiz-Fargʻona va Nukus-Termiz-Nukus yoʻnalishlarida qoʻshimcha charter aviaqatnovlar yoʻlga qoʻyildi.
Oʻzbekiston Bosh vaziri oʻrinbosari — turizm va madaniy meros vaziri Aziz Abduhakimov Boysun tumanidagi Padang kengliklarida boʻlib, joriy yilning 7-8-may kunlari oʻtkaziladigan “Boysun bahori” xalqaro folklor festivaliga koʻrilayotgan tayyorgarlik ishlari bilan tanishdi.
