Yigʻilishda vazirlar va hokimlar tizim tashkilotlari tomonidan ekilgan koʻchatlarning unib-oʻsishi va toʻgʻri parvarish qilinishiga alohida eʼtibor berishi lozimligi taʼkidlandi.
Yana bir muhim masala – soʻnggi vaqtlarda daryolar, tabiiy suv havzalarida elektr bilan baliq ovlash koʻpayib ketayotganiga eʼtibor qaratildi. Bu yilning oʻzida 39 ta holatda elektr bilan, 436 ta toʻr bilan noqonuniy baliq ovlash aniqlangan.
Mutasaddilarga bu borada taʼsirchan nazorat oʻrnatib, qonun ustuvorligini taʼminlash topshirildi. Brakonyerlik uchun javobgarlikni kuchaytirish taklif qilindi.
Prezident keyingi yilda “Yashil makon” dasturi uchun 100 milliard soʻm ajratilishini eʼlon qildi. Endilikda daraxtlarni 3-yil parvarishlash, kasallikdan saqlash, sugʻorish xarajatlari ham investitsiya dasturiga kiritiladi.
Navoiy viloyati Ekologiya, atrof-muhitni muhofaza qilish va iqlim oʻzgarishi boshqarmasi tomonidan "Yashil makon" umummilliy loyihasi doirasida ekilgan daraxt va buta koʻchatlarning holati yuzasidan oʻrganish ishlari oʻtkazilmoqda.
Bosh prokuratura “Yashil makon” umummilliy loyihasi doirasida 441 ta holatda 580 ming tup koʻchatlar sugʻorish tizimi mavjud boʻlmagan joylarga ekilganini aniqlagan.
Andijonda 1128 tup daraxt sugʻorilmaydigan yerlarga ekilgan, Qashqadaryoda 12 ta holatda ekilmagan 48 348 tup daraxt qoʻshib yozilgan. Toshkent viloyatida 175 tup qimmatbaho daraxtlar qarovsiz qoldirilgan.
Qarshi tumani “Mangʻit” MFY hududida fuqaro O. B. tomonidan 50 bosh qoʻyini “Yashil makon” umummilliy loyihasi doirasida ekilgan daraxt koʻchatlari orasiga haydab, koʻchatlarni shikastlantirgan.
