Milliy sog‘liqni saqlash xizmati (NSD) ijrochi direktori Amanda Pritchardning aytishicha: “Bu sog‘liqni saqlash tizimi va genomik tibbiyot uchun inqilobiy voqea, chunki test minglab og‘ir xastalikka chalingan bolalarda kasallikni tezda aniqlash va ularning hayotini saqlab qolishga yordam beradi”, dedi.
Ilgari bunday testlarning javobini bir necha hafta kutish kerak edi. Bu esa inson hayotini saqlab qolishi mumkin bo‘lgan davolashni boshlashni kechiktirardi. “Bu hozirgi kunga qadar inson genomidagi barcha 22 000 genni tahlil qiladigan va natijalari ikki kun ichida tayyor bo‘ladigan yagona sinovdir”, dedi Pritchard. Shifokorlar ushbu testdan DNK o‘zgarishlarini aniqlash va hatto kam uchraydigan genetik kasalliklarga tashxis qo‘yish uchun foydalanadi.
The Guardian nashrining xabar berishicha, tadqiqot Buyuk Britaniyaning janubi-g‘arbiy qismida joylashgan Devonshir grafligidagi Birlashgan Qirollikning Genomik Tibbiyot xizmatida o‘tkazildi. Endi olimlar sinov natijasini kutish vaqtini bir necha soatgacha qisqartirish uchun testni yanada takomillashtirish ustida ish olib bormoqda.
