Kasalxonaga yotqizilgan oila boshligʻi Amazonda topilgan kitobdan illyustratsiyalar va maslahatlarga amal qilganini, unda koʻplab xavfli xatolar borligini aytdi.
Neyron tarmoqlar tomonidan yozilgan kitoblarning keng tarqalishi tufayli yangi qoʻziqorin teruvchilar uchun jiddiy tahdid paydo boʻldi.
Ushbu kitoblarda koʻpincha notoʻgʻri maʼlumotlar, jumladan, “zaharli qoʻziqorinlarni taʼmi va hidi bilan aniqlash” boʻyicha tavsiyalar mavjud boʻlib, bu dahshatli oqibatlarga olib kelishi mumkin.
Guardian jurnalistlari surishtiruv oʻtkazib, bunday kitoblar toʻligʻicha ChatGPT tomonidan yaratilgan matnlardan iborat boʻlib, mavzuga mos kelmaydigan gʻayritabiiy adabiy uslubga ega ekanini aniqladi.
Ushbu koʻngilsiz voqealar sababli Amazon shubhali ayrim kitoblarni javonlardan olib tashladi. Ammo neyron tarmoqlar tomonidan yozilgan past sifatli adabiyotlar muammosi dolzarbligicha qolmoqda.
