Afsonaviy sport gimnastikachimiz Oksana Chusovitina Parij-2024 Olimpiadasiga ham tayyorgarlik koʻrishini maʼlum qildi. U sport gimnastikasi boʻyicha Oʻzbekiston chempionatida ishtirok etib, tayanib sakrash dasturida gʻalaba qozongandan soʻng Milliy olimpiya qoʻmitasi matbuot xizmati vakili bilan suhbatda:

— ... Osiyo oʻyinlaridan soʻng Parij-2024 Olimpiadasiga ham tayyorlanishga qaror qildim! — dedi.

Oksana Chusovitina 8 bor Olimpiya oʻyinlarida ishtirok etib, gimnastika tarixi va “Ginnesning rekordlari” kitobiga kirgan. Agar u Parijda oʻtadigan Olimpiadada ham ishtirok etsa, oʻz rekordini yangilaydi. Yana bir muhim tomoni, 2024-yilda u 49 yoshiga kiradi.