Nafas yoʻllari saratoni bilan ogʻrigan bemorlar koʻpincha oʻsimtaga qarshi immunitet tizimini faollashtiruvchi preparatlar bilan davolanadi.
Olimlar hozirgi kunga qadar COVID -19 ga qarshi emlash saraton kasalligini davolash samaradorligini pasaytirishi yoki jiddiy yon taʼsirga olib kelishi mumkinligidan havotirda edi.
Yaqinda oʻtkazilgan tadqiqot bu borada toʻliq aniqlik berdi.
Tadqiqotga koʻra, Xitoyning SinoVac vaksinasi bilan emlanganidan keyin saratonga qarshi preparatlar emlanmagan bemorlarga qaraganda yaxshiroq taʼsir qilgan.
Mutaxassislar xulosasiga koʻra, OIV, bezgak va tuberkulyozga qarshi yanada samarali emdorilar yaratish boʻyicha izlanishlarni davom ettirish kerak. Chunki xuddi shu xastaliklar tufayli yiliga 2,5 million kishi hayotdan koʻz yummoqda.
Yurtimizda Milliy profilaktik emlash kalendari joriy etilgan. Unga koʻra, bugungi kunda bolalar 13 turdagi yuqumli kasalliklar — virusli gepatit V, sil, poliomiyelit, rotavirus infeksiya, boʻgʻma, qoqshol, koʻkyoʻtal, Xib infeksiya, qizamiq, epidparotit, qizilcha, pnevmokokk infeksiya, VPCH-odam papilloma viruslariga qarshi rejali tarzda emlanadi.
Koronavirusga qarshi emlash rejalashtirilgan aholining 83,3 foizi toʻliq vaksinatsiya bilan qamrab olindi. Buster doza bilan emlash qamrovi 81,4 foizga yetkazildi. Gripp kasalligiga qarshi esa 2,3 mln nafar aholi emlandi.
Bugun yurtimizda koronavirus infeksiyasi bilan bogʻliq vaziyat barqaror. Biroq Shimoliy va Janubiy Amerika, Yevropa va Sharqiy Osiyo mintaqalarida joylashgan qator mamlakatlardagi epidemiologik holat hanuz murakkabligicha qolmoqda.
