Reytingli baholash metodikasi quyidagi 5 ta ustuvor yoʻnalishlardan iborat:
- Ochiqlik va elektron ishtirok
- Elektron xizmatlar
- Axborot va kiberxavfsizlik
- Axborot tizimlari
- Tashkiliy qism
Davlat organlarining yakuniy bahosi “yashil” – yaxshi baho, “sariq” – qoniqarli baho va “qizil” – qoniqarsiz baho bilan baholandi.
Baholash natijalariga koʻra, Davlat aktivlarini boshqarish agentligi “yashil” roʻyxatdan joy oldi va eng yaxshi beshtalikka kirib 2-oʻrinni egalladi.
Taʼkidlash joizki, Agentlik “Axborot tizimlari” va “Tashkiliy qism” yoʻnalishlaridan maksimal ballarni qoʻlga kiritdi.
Reyting baholari maxsus axborot tizimiga kiritilgan maʼlumotlar asosida shakllantirilgan boʻlib, baholashda jami 56 ta davlat organlari ishtirok etgan, deb xabar beradi Davlat aktivlarini boshqarish agentligi matbuot xizmati.