+100 kg vazn toifasidagi vakilimiz Shohruh Baxtiyorov bronza medali uchun bellashuvni oʻtkazdi. Finlyandiyalik Marti Pumalaynenga qarshi tatamiga chiqqan Baxtiyorov ajoyib harakatlari bilan gʻalabani oʻz tomoniga ogʻdira oldi va bronza medaliga ega chiqdi.
Ushbu natija bilan polvonimiz oʻz hisobiga jahon reytingi uchun 500, Parij-2024 yoʻlida 250 reyting ochkosini yozib qoʻymoqda.
Shu tariqa, ikkinchi tarkib bilan tashrif buyurgan terma jamoamiz ushbu musobaqani bittadan kumush va bronza medallari bilan yakunladi.
Sportni rivojlantirish vazirligi ushbu natija bilan terma jamoamizni muborakbod etadi.
