Bugun Toshkent fotosuratlar uyida mustaqilligimizning o'ttiz ikki yilligiga bag'ishlangan “Eng ulug',eng aziz” ko'rik tanlovi tasviriy san'at, foto va dizayn ishlari yo'nalishi bo'yicha Respublika bosqichi ishtirokchilari asarlari ko'rgazmasi ochildi.
Badiiy akademiya, O'zbekiston Respublikasi Prezidenti Administratsiyasi huzuridagi Axborot va ommaviy kommunikatsiyalar agentligi, YOzuvchilar uyushmasi, Jurnalistlar uyushmasi, Kinematografiya agentligi, “Tasviriy oyina” ijodiy uyushmasi, O'zbekiston Milliy axborot agentligi hamda Milliy teleradiokompaniya hamkorligida o'tkazilgan ko'rik-tanlovning tasviriy san'at, foto va dizayn ishlari yo'nalishi bo'yicha joriy yil 56 nafar muallif 602 dan ortiq ijodiy ishlar bilan ishtirok etishdi.
Ko'rik-tanlovning Respublika bosqichida hay'at a'zolari ijodiy ishlar chuqur o'rganib, g'oliblarni aniqlash uchun muhokamaga qo'ydi.
G'olib va sovrindorlarni taqdirlash marosimi joriy yil 29-avgust kuni Yoshlar ishlari agentligida bo'lib o'tadi.
