Markaziy Osiyoda ilk bor oʻtadigan FIFA shafeligidagi musobaqada dunyoning eng kuchli 24 terma jamoasi futzal boʻyicha Jahon chempionligi uchun kurash olib boradi. Tarixda 10-bor tashkil etilayotgan musobaqa 14-sentyabrdan 6-oktyabrgacha davom etadi.
24 ta ishtirokchi davlat: Angola, Argentina, Braziliya, Kosta-Rika, Xorvatiya, Kuba, Fransiya, Gvatemala, Qozogʻiston, Liviya, Marokash, Niderlandiya, Yangi Zelandiya, Panama, Paragvay, Portugaliya (amaldagi gʻolib), Ispaniya, Ukraina, Oʻzbekiston (mezbon sifatida), Venesuela va OFKdan yana 4 jamoa (ularning nomi 28-aprelgacha maʼlum boʻladi).
Davlatlar jami oltita guruhga boʻlinadi. Har bir guruhning eng yaxshi ikki jamoasi va uchinchi oʻrinni egallagan toʻrtta eng yaxshi jamoa pley-off bosqichiga chiqadi. Shundan soʻng guruhdan chiqqan 16 ta jamoa chorak final, yarim final, uchinchi oʻrin uchun bahs va final oʻyinlarida ishtirok etadi.
