Qayd etilishicha, bortida 245 nafar ziyoratchi boʻlgan HY-5304 reysi bilan Jiddadan kelgan “Uzbekistan Airways” aviakompaniyasining samolyoti 12-iyun kuni mahalliy vaqt bilan soat 17:30 da Toshkent xalqaro aeroportiga qoʻndi.
Kelgan ziyoratchilarni poytaxt aeroportining uchib kelish zalida yaqinlari va qarindoshlari kutib oldi. Viloyatlardan kelgan ziyoratchilarni zal oldida maxsus avtobuslar kutib oldi.
Maʼlumot uchun, 12-30-iyun kunlari Jiddadan Toshkent, Namangan, Qarshi, Samarqand, Buxoro, Urganch va Nukus shaharlariga jami 62 ta reys rejalashtirilgan boʻlib, ularda 15 150 nafar ziyoratchilar Haj safaridan qaytadi.
