Tadbir Osiyo taraqqiyot banki (OTB), Finlyandiya ta’lim vazirligi va Tashqi ishlar vazirligi tomonidan tashkil etilgan bo‘lib, unda OTB tomonidan tanlab olingan, Finlyandiya bilan hamkorlikda amaliy natijalariga erishgan Filippin, Bangladesh, Nepal va Shri-Lanka bilan birgalikda O‘zbekiston vakillari ham ishtirok etmoqda.

Davra suhbatida Maktabgacha va maktab ta’limi vazirligi Strategik rivojlantirish va xalqaro reytinglar boshqarmasi boshlig‘i Laziz Xo‘jaqulov O‘zbekistonda ta’lim islohotlarining asosiy yo‘nalishlari, shuningdek, vazirlikning xalqaro hamkorlari bilan ta’limda olib borayotgan hamkorlik istiqbollari bo‘yicha o‘rtoqlashdi.

Shuningdek, davra suhbatida ishtirok etgan Finlandiyaning O‘zbekistondagi elchisi Ilkka Ryaysyanen Finlyandiya tomonidan yurtimizda ta’lim islohotlarini qo‘llab-quvvatlash maqsadida grant ajratilishini bildirdi.

Ushbu grant o‘qituvchilarning malakasini oshirish, metodik xizmat va boshqaruv uchun yo‘naltirilishi rejalashtirilmoqda.