Bu haqda Ijtimoiy himoya milliy agentligi Axborot xizmati maʼlum qildi.
Yordamni quyidagilar oladi:
- “Ijtimoiy himoya yagona reyestri” orqali bolalar nafaqasi yoki moddiy yordam oluvchi oilalar;
- “Kambagʻal oilalar reyestri”dagi oilalar;
- “Mahalla yettiligi” tomonidan shakllantirilgan qoʻshimcha roʻyxatga kiritilgan oilalar.
Qoʻshimcha roʻyxatga quyidagi toifadagi oilalar ustuvor tartibda kiritiladi:
- boquvchisini yoʻqotgan;
- I yoki II guruh nogironi boʻlgan aʼzosi bor;
- nogironligi boʻlgan bolani parvarishlayotgan;
- isitish tizimi mavjud boʻlmagan koʻp qavatli uylarda yashovchi;
- 3 va undan ortiq oila bir xonadonda yashovchi;
- ogʻir xastalikka chalingan bemorni parvarishlayotgan;
- yolgʻiz keksa yoki nogironligi bor fuqarolar.
Agar siz shunday toifaga mansub boʻlsangiz, joriy yil 25-sentyabrga qadar “Mahalla yettiligi”ga murojaat qiling.
