Mazkur memorandum Toshkentda Oʻzbekiston-Latviya biznes-forumi doirasida imzolandi. Hujjatning asosiy maqsadlaridan biri Yevropa mamlakatlari va Oʻzbekistonda IT bozori hamda biznes-jarayonlarni oʻzaro ilgari surishdir.
Aytish joizki, IT-Park soʻnggi yillarda boshqa mamlakatlarga xizmatlar eksportini oshirib boryapti. 2021-yilda IT mahsulot va xizmatlarining eksport hajmi 2020-yilga nisbatan uch baravarga oshirildi va 40 million dollarni tashkil etdi. 2022-yilda ushbu koʻrsatkichni ikki barobarga oshirish, 2028-yilda esa bir milliard dollargacha yetkazish koʻzda tutilgan, deb xabar beradi Axborot texnologiyalari va kommunikatsiyalarini rivojlantirish vazirligi matbuot xizmati.
