UPS aviakompaniyasining MD-11 yuk samolyotining halokati va undan keyin yuz bergan yong'in oqibatida halok bo'lganlar soni etti nafarga etdi, deb xabar berdi Kentukki gubernatori Endi Besher.
“Halok bo'lganlar soni kamida yetti nafarga yetdi va bu raqam oshishi kutilmoqda. Favqulodda vaziyatlar xizmati xodimlari voqea joyida, yong'inni o'chirish va tergovni davom ettirish uchun astoydil ishlamoqda”, deb yozdi u o'zining X sahifasida.
Yuk samolyoti Kentukki shtatining Luisvill shahridagi Muhammad Ali xalqaro aeroporti yaqinida halokatga uchradi. CNN va FlightRadar24 xabarlariga ko'ra, halokat samolyot Luisvilldan Gonoluluga yo'l olayotgan paytda parvozdan ko'p o'tmay sodir bo'lgan. Bortda uch nafar ekipaj a'zosi bo'lgan.
Halokat katta maydonni qamrab olgan kuchli yong'inga sabab bo'lgan. Rasmiylar Greyd-leyn ko'chasini yopib, 8 kilometr radiusdagi aholini vaqtincha evakuatsiya qilishdi. CBS News WLKY vertolyotidan olingan videolavhalarga tayanib, bortdagi yonilg'iga to'la bakning katta yong'inga sabab bo'lgan bo'lishi mumkinligini taxmin qilmoqda. Halokatning rasmiy sababi hali aniqlanmagan.
2976-reysi Deniel K. nomidagi Gonolulu xalqaro aeroportiga yo'l olgan edi. Bortda uch nafar ekipaj a'zosi bo'lgan. Dastlabki ma'lumotlarga ko'ra, kamida uch kishi halok bo'lgan va yana 11 kishi jarohatlangan.
McDonnell Douglas MD-11 – bu dastlab McDonnell Douglas kompaniyasi tomonidan ishlab chiqarilgan va keyinchalik Boeingga o'tkazilgan yuk samolyoti. U FedEx Express, Lufthansa Cargo va UPS Airlines aviakompaniyalari tomonidan yuklarni tashish uchun keng tarzda foydalaniladi, deb xabar berdi rbc.ru.
