баннер
Sayt test rejimida ishlamoqda
Лого Лого-пв-уз

    “Maqsadim — jahon chempionatida yurtimiz bayrogʻini koʻtarish!”

    Joriy yilning 7-noyabrida sportning taekvando turi bo'yicha Toshkent shahar ochiq kubogi musobaqalari bo'lib o'tgan edi.

    Unda ishtirok etgan O'zbekiston davlat jismoniy tarbiya va sport universiteti 2-bosqich talabasi Jahona Husanboyeva g'oliblar qatoridan joy olib, faxrli 1-o'rinni egalladi.

    Jahona mazkur g'alabasi bilan 4-5-dekabrda bo'lib o'tadigan O'zbekiston kubogi musobaqasi yo'llanmasini qo'lga kiritdi. Ayni paytda mashg'ulotlarga qizg'in tayyorgarlik ko'rmoqda.

    Bolaligidan sport bilan shug'ullanadigan Jahona Toshkent viloyatining eng iqtidorli yoshlaridan biri. Sportdan tashqari, raqsga ham qiziqadi.

    Ayni paytda asosiy e'tiborini sport musobaqalariga qaratgan.

    — O'zbekiston kubogi turnirida g'alaba qozonib, 2022-yil Gollandiyada o'tkaziladigan Jahon chempionatida qatnashishni, yurt bayrog'ini yuqoriga ko'tarishni niyat qilganman, — deydi Jahona Husanboyeva.