Xitoylik olimlar “Chjujun” qurilmasi tomonidan to'plangan ma'lumotlardan foydalanib, qurilma qo'nadigan joy – Marsning shimoliy yarimsharidagi Utopiya tekisligining janubiy qismida “yer ostida 10 dan 35 metrgacha chuqurlikda ko'p qatlamli qiya cho'kindi tuzilmalar mavjud ekanligini” aniqlashdi, deb xabar beradi ria.ru.
“Ushbu geologik xususiyatlar Yerdagi qirg'oq konlariga juda o'xshash va Marsda o'rta va past kengliklarda qadimgi okeanlar mavjudligini tasdiqlovchi eng to'g'ridan-to'g'ri yer osti dalillarini taqdim etadi”, deyiladi hisobotda.
Telekanalning ta'kidlashicha, yangi ma'lumotlar nafaqat Marsning shimoliy tekisliklarida qadimiy okean mavjudligining asosiy yer osti dalillarini taqdim etadi, balki Marsda bir paytlar uzoq vaqt davomida issiq va nam iqlim hukmron bo'lganini ko'rsatadi, ya'ni “Marsda uzoq vaqt davomida suyuq suv mavjudligi uchun mos harorat va havo bosimi sharoitlari bo'lgan”.
