Murodjon Ahmadaliyev Stiven Fultonning chaqirigʻiga munosib javob qaytardi

Sport 8 fev 2021, 12:02 1 928

Ikkinchi yengil vazndagi (55,3 kilogrammgacha) WBA/IBF chempioni, oʻzbekistonlik bokschi Murodjon Ahmadaliyev (8-0-0, 6 KO) WBO belbogʻi sohibi, amerikalik bokschi Stiven Fulton (19-0-0, 8 KO) bilan jang qilishga shay ekanligini eʼlon qildi. Bu amerikalik sportchining yurtdoshimizga oʻzining soʻngi chiqishidan keyingi yoʻllagan chaqirigʻiga javobi edi.

Eslatamiz, Ahmadaliyev oʻtgan yili yanvardan beri, oʻn ikkinchi raundda amerikalik Deniyel Romandan (28-3-1, 10 KO) belbogʻni tortib olganidan keyin ringa chiqmagan, deb xabar beradi Oʻzbekiston Boks federatsiyasi matbuot xizmati.

“Oʻtgan yili yanvarda men Denni Romanni magʻlubiyatga uchratib, WBA va IBF belbogʻlarini yutib oldim. Shundan keyin menda divizionning boshqa chempionlari bilan jang qilish imkoniyati paydo boʻldi, — dedi jangchimiz BoxingScene.com.ga intervyusida. — Va men yaqinlashib kelayotgan unifikatsiyani sabrsizlik bilan kutaman. Lekin men dastavval nomzodlar oldidagi majburiyatimni ado etishim kerak”.