Holat yuzasidan Kambagʻallikni qisqartirish va bandlik vazirligi izoh berdi.
Maʼlum qilinishicha, ushbu holat Pop tumani Kambagʻallikni qisqartirish va bandlik boʻlimi davlat mehnat inspeksiyasi tomonidan oʻrganilgan.
Oʻrganish davomida Mehnat kodeksining 5-moddasi hamda Vazirlar Mahkamasining 349-sonli qaroriga zid ravishda muassasa xodimlari maktab hovlisida tozalov ishlariga jalb etilganligi aniqlandi.
Shu sababli, tashkilot rahbariga nisbatan Maʼmuriy javobgarlik toʻgʻrisidagi kodeksining 51-moddasi 1-qismiga asosan bazaviy hisoblash miqdorining 50 baravari (17 mln soʻm) miqdorida maʼmuriy jarima qoʻllanildi.
