– Qoʻshni davlatlar bilan savdo va transportni osonlashtiradigan ishonchli yoʻl tarmoqlari dengizga chiqish imkoniyati boʻlmagan mamlakat sifatida Oʻzbekistonning iqtisodiy oʻsishida muhim ahamiyat kasb etadi, – dedi OTB Markaziy va Gʻarbiy Osiyo boʻyicha Bosh direktori Yevgeniy Jukov.
Qayd etilishicha, OTB loyihasi Surxondaryo viloyatidagi Derbent va Denov oʻrtasidagi 106 kilometrga yaqin davlat yoʻlini yangilaydi va Gʻuzor-Buxoro-Nukus-Beyneu (A380) avtomobil yoʻlining qariyb 87 kilometrini rekonstruksiya qilish imkoniyatini beradi. A380 avtomagistrali Afgʻoniston, Qozogʻiston, Rossiya, Tojikiston, Turkmaniston va Oʻzbekistonni bogʻlovchi Markaziy Osiyo mintaqaviy iqtisodiy hamkorlik (SARES) 2-koridorining bir qismidir.
Loyiha kam texnik xizmat koʻrsatilgan beton qoplamali yoʻllarni kengaytiradi va ularning holatini yaxshilaydi, sayohat vaqtini va transport vositalarini ishlatish xarajatlarini sezilarli darajada kamaytiradi.
Shuningdek, bu yoʻnalishlar va kesishmalarni yangilaydi, avtobus toʻxtash joylarini va piyodalar uchun qulay sharoitlarni taʼminlaydi, aniqroq belgilar va boshqa xavfsizlik funksiyalarini qoʻshadi. Avtotransport vositalarining ortiqcha yuklanishining oldini olish va yulka yotqizilishining oldini olish uchun Derbent va Denov yaqinida ikkita harakatda tortish tizimi oʻrnatiladi.
Loyiha moliyaviy savodxonlik, onlayn marketing va tadbirkorlikni rivojlantirish boʻyicha koʻnikmalarni oʻrgatish orqali loyiha jamoalaridagi tadbirkor ayollarning COVID-19 pandemiyasining salbiy taʼsiridan iqtisodiy tiklanishini qoʻllab-quvvatlash uchun 150 ming dollar miqdoridagi texnik yordam grantini oʻz ichiga oladi.
