Bu haqda Ijtimoiy himoya milliy agentligi xabar berdi.
Taʼkidlanishicha, shu yilning oxirida, ota-onasining gʻamxoʻrligidan mahrum boʻlgan bolalar uchun moʻljallangan muassasaning yangi modeli — kichik hajmdagi bolalar uyi yaratildi.
Bu jarayonda mutaxassislarning tavsiyalari va ilgʻor tajribalarni inobatga olgan holda, bolalar uchun oila muhitiga yaqin shart-sharoitlar yaratishga harakat qilindi. Bu esa ularga yanada uyning nafasini va mehr shukuhini his qilish imkoniyatini beradi.
Hozirda bu yerda 7 nafar bola yashamoqda, ularga tajribali mutaxassislar tomonidan mehr va gʻamxoʻrlik koʻrsatilmoqda. Ularning yarmidan koʻprogʻi nogironligi bor bolalardir.
«Ishonamanki, bu tajriba, ota-ona mehridan mahrum boʻlib, farzandlikka olinmagan barcha bolalar uchun ham shu kabi sharoitlar yaratishning asosini belgilab beradi», — Shahnoza Mirziyoyeva.
