Bu haqda Sanepidqoʻmita boshqarma boshligʻi Rustamjon Ikramov maʼlumot berib oʻtdi.
— Oʻzbekiston Respublikasida maymun chechagi kasalligining chetdan kirib kelishi va uni tarqalib ketishining oldini olish yuzasidan maʼlum chora-tadbirlar koʻrilmoqda. Jumladan, joylardagi virusologiya laboratoriyalari qayta tayyorgarlikdan oʻtkazilyapti. Maymun chechagi kasalligini tashxislash uchun zarur boʻladigan diagnostika va test tizimlarini olib kelish yuzasidan ishlar amalga oshirilmoqda. Shuningdek, 2023-yilda berilgan PSR testlarini joylarga yetkazib berilyapti. Ushbu kasallikdan gumonlangan holatlarda kasallikni tashxislashni oʻtkazish yuzasidan xalqaro tajriba oʻrganilyapti. Mutaxassislarning koʻnikmasini shakllantirish boʻyicha videokonferensial aloqa orqali laboratoriya xodimlari va shifokorlarning bilim-salohiyati oshirilmoqda.