“Umumiy e’tibor Eron bilan mojaro atrofidagi vaziyatga va AQSh vakillari ishtirokida Ukraina kelishuvi bo‘yicha ikki tomonlama muzokaralarga qaratildi”, dedi u jurnalistlarga.
Suhbat davomida Putin Vashington va Tehron o‘rtasidagi kelishmovchiliklarni siyosiy va diplomatik yo‘l bilan hal qilishga chaqirdi va bu boradagi fikrlari bilan o‘rtoqlashdi. Tramp, o‘z navbatida, voqealarni Isroil bilan hamkorlikdagi operatsiya kontekstida baholadi.
Rahbarlar shuningdek, Ukrainadagi tinchlik jarayoniga ham to‘xtalishdi. Rossiya Prezidenti AQShning vositachilik sa’y-harakatlarini yuqori baholadi va to‘qnashuv chizig‘idagi vaziyat haqida gapirdi. Amerika rahbari mojaroning tez orada hal qilinishiga umid bildirdi.
Bundan tashqari, ular Venesuela, jumladan, global neft bozoridagi vaziyatni ham muhokama qilishdi, deb xabar berdi ria.ru.
Suhbat Amerika rahbarining tashabbusi bilan bo‘lib o‘tdi. U taxminan bir soat davom etdi. Ikki hamkasb muntazam ravishda bir-biri bilan muloqot qilishga tayyor ekanliklarini bildirishdi. Ushakov ularning suhbati amaliy ahamiyatga ega bo‘lishini ta’kidladi.
