Joriy yilning 7-mart kuni soat 15:00 dan A-373 xalqaro avtomobil yoʻlining “Qamchiq” dovoni qismi avtomobillar harakati uchun vaqtincha yopildi.
Bu haqda IIV Yoʻl harakati xavfsizligi xizmati axborot xizmati maʼlum qildi.
«Qalin qor yoqqanligi sababli “Qamchiq” dovoni avtomobillar harakati uchun vaqtincha yopildi.
Maxsus texnikalar yordamida dovon yoʻlini qordan tozalash ishlari amalga oshiriladi.
Transport vositalarining harakatiga ruxsat berilishi yuzasidan qoʻshimcha maʼlumot beriladi», – deyiladi xabarda.
“Qamchiq” dovonida ob-havo sovushi bilan birga qor yogʻa boshladi. Hozirda dovon orqali harakat xavfsizligini taʼminlash maqsadida FVV, YPX va “Qamchiqavtoyoʻl” xizmatlari tun-kun demay ish olib bormoqda.
FVV qutqaruvchilari tomonidan yuk mashina kabina qismida qisilib qolgan haydovchi chiqarib olinib, birinchi yordam koʻrsatilgan va Pop tumani tibbiyot birlashmasiga joʻnatilgan.
Favqulodda vaziyatlar vazirligi yoʻl transport hodisalari bilan bogʻliq favqulodda vaziyatlarning oldini olish maqsadida, dovon hududida harakatlanishda haydovchilardan barcha xavfsizlik choralarini koʻrishlarini soʻramoqda.
