Qayd etilishicha, A373 “Toshkent-Ohangaron-Angren-Qoʻqon-Shaxrixon-Andijon“ avtomobil yoʻlining 81—177 km.lar oraligʻida qor yogʻmoqda. Tuman, havo harorati -5 daraja, yoʻllarda koʻrish masofasi 300 metrni, shamol yoʻq, namlik 87 % ni tashkil etmoqda.
Qor yogʻib turgan paytda dovonda avtotransport vositalarining toʻxtovsiz ikki tomonlama harakatlanishini taʼminlash maqsadida “Qamchiqavtoyoʻl IYFK“ DM tomonidan yoʻl qoplamasida sirpanchiq boʻlmasligi uchun mashina-mexanizmlar yordamida tunu-kun qum-tuz aralashmasi sepish va qordan tozalash ishlarini amalga oshirishmoqda. Avtotransport vositalari ikki tomonlama xavfsiz harakatlanmoqda.
“Qamchiqavtoyoʻl IYFK“ DM “Qamchiq“ dovoni orqali harakatlanayotgan barcha haydovchilardan ob-havo sharoitini inobatga olgan holda tezlikni meʼyordan oshirmasdan, oraliq masofani saqlab harakatlanishlarini va barcha xavfsizlik choralarini koʻrishni soʻradi.
