Shu munosabat bilan, IIV Yoʻl harakati xavfsizligi xizmatini tezkorlik bilan quyidagi choralarni koʻrishga chaqiramiz:
Birinchidan, mazkur tadbirkorlik faoliyati bilan shugʻullanayotgan barcha subyektlarning soʻnggi haftalardagi qaydnomalarini taftish qilish va huquqiy baho berish choralarini koʻrish;
ikkinchidan, taftish natijasida noinsof tadbirkorlik yoʻli bilan undirilgan jarimalar aniqlangan taqdirda, ularni bekor qilish va haydovchilarga toʻlovlarni tadbirkorlar hisobidan qaytarish;
uchinchidan, tadbirkorlik subyektlarining nazorat-kameralari orqali qayd qilinayotgan jarimalarni nazorat tartibida doimiy tekshirish amaliyotini joriy etish;
toʻrtinchidan, fuqarolarning adolatsiz jarimalar ustidan shikoyat qilishdagi ovoragarchilikdan asrash maqsadida, qaydnomalarga onlayn shikoyat berish imkoniyatini yaratish;
beshinchidan, barcha lokatsiyalardagi radar oʻrnatilganligi toʻgʻrisidagi belgilar yonida cheklangan tezlikni aks ettiruvchi belgilarni oʻrnatishni majburiy qilish;
Shuningdek, bu boradagi faoliyat yuzasidan jamoatchilikka muntazam ravishda axborot berib borish amaliyotini yoʻlga qoʻyish maqsadga muvofiq deb hisoblaymiz.
Bobur Bekmurodov,
“Yuksalish” umummilliy harakati raisi.
