Sportchilarimiz kunni ajoyib gʻalabalar bilan boshladi. Jumladan, -46 kilogramm vazn toifasida ishtirok etayotgan taekvondochimiz Zuhra Tojimatova birinchi bosqichda marokashlik Neja Elasal ustidan gʻalaba qozonib, keyingi davraga yoʻl oldi. Ikkinchi bosqichda hamyurtimizga lesotolik Mishel Tau raqiblik qiladi.
-54 kilogramm vazn toifasida jang qilayotgan Omonjon Otajonov esa ilk bosqichda kolumbiyalik Brayan Garridoni musobaqadan chiqarib yubordi. Endi u ikkinchi davrada ozarbayjonlik Sayyad Dadashov bilan jang qiladi.