Eron poytaxti Tehron shahrida 4-5-mart kunlari klublar oʻrtasidagi Osiyo chempionati, 6-9-mart oraligʻida anʼanaviy “Fajr Open” xalqaro musobaqasi oʻtkazildi, 10-14-mart kunlari esa Osiyo taekvondo federatsiyasi prezidenti kubogi boʻlib oʻtdi.
Oʻzbekiston taekvondo WT assotsiatsiyasi matbuot xizmatining maʼlum qilishicha, ushbu musobaqalarda Oʻzbekiston terma jamoasi aʼzolari 7 ta oltin, 6 ta kumush va 11 ta bronza medaliga ega chiqdi.
Kecha tunda sportchilarimiz yurtimizga qaytib keldi. Taekvondochilarni muxlislar, ularning yaqinlari va OAV xodimlari kutib oldi.
