U bu haqda payshanba kuni mamlakatning gʻarbidagi Sanandaj shahrida soʻzlar ekan, hukumat iqtisodiy, ekologik va ijtimoiy inqirozlar kombinatsiyasi bilan toʻqnash kelayotganini taʼkidladi.

Pezeshkiyanning soʻzlariga koʻra, inflyatsiya va narxlarning oshishi ichki siyosatdagi xatolar hamda xalqaro sanksiyalar natijasidir. Shu bilan birga, u Eronni tabiiy ofat darajasiga yaqin boʻlgan qurgʻoqchilik va suv tanqisligi xavfi tahdid qilayotganini taʼkidladi.

«Agar yomgʻir yoqmasa, kelasi oydan Tehronda suv taʼminotini cheklashga majbur boʻlamiz. Qurgʻoqchilik davom etsa, suv tugaydi va shaharni evakuatsiya qilishga toʻgʻri keladi», — dedi prezident.

Maʼlumotlarga koʻra, Tehron suv bilan asosan Lar, Mamlu, Amir Kabir, Tolekan va Latiyan toʻgʻonlaridan taʼminlanadi. Ammo oxirgi besh yil ichida yomgʻir miqdori keskin kamaygan boʻlib, bu yilgi yogʻingarchilik mavsumiy meʼyordan taxminan 40 foizga past.

Tehron suv xoʻjaligi idorasi 20-iyulda toʻgʻonlardagi suv zaxiralari soʻnggi 100-yildagi eng past darajaga tushganini maʼlum qilgan edi.

Mutaxassislar taʼkidlashicha, agar qurgʻoqchilik davom etsa, mavjud suv zaxiralari shaharni atigi ikki hafta taʼminot bilan taʼminlay oladi.