Qaror bilan tasdiqlangan “Saxovat” keksalar va nogironligi boʻlgan shaxslar uchun internat uylari toʻgʻrisidagi nizomga koʻra, mazkur internat uylariga:
- parvarish qilish shart boʻlgan 1-darajali qarindoshi yoki vasiylari boʻlmagan yolgʻiz keksalar;
- 18 yoshidan boshlab I va II guruh nogironlar;
- oʻzgalar parvarishiga muhtoj yolgʻiz I guruh nogiron keksalar joylashtiriladi.
Quyidagilar “Saxovat” internat uylariga qabul qilishga qarshi koʻrsatmalar hisoblanadi:
- tutqanoq boʻladigan epilepsiya, muntazam tutqanoqlarga, epileptik maqomga, kun oxiriga borib boʻshashuvchanlikka, disforiyalarga moyillik;
- ruhiy kasalliklar;
- sil kasalligi;
- yuqumli ter va soch kasalliklari;
- oʻtkir yuqumli kasalliklar;
- salbiy jarayondagi, yomon holatda oʻtadigan shish kasalliklari va retsidivlari;
- tanosil kasalliklari.
Qaror bilan shuningdek, quyidagi nizomlar tasdiqlandi:
“Muruvvat” nogironligi boʻlgan shaxslar uchun internat uylari toʻgʻrisida;
“Muruvvat” nogironligi boʻlgan bolalar uchun internat uylari toʻgʻrisida;
Keksalar va nogironligi boʻlgan shaxslar, urush va mehnat faxriylari uchun sanatoriylar toʻgʻrisida;
Urush va mehnat faxriylari uchun respublika pansionati toʻgʻrisida.
