баннер
Sayt test rejimida ishlamoqda
Лого Лого-пв-уз

    Tojikiston Respublikasi Milliy gvardiyasi qoʻmondoni bilan uchrashuv

    Harbiy 12 Oktabr 2021 185

    Joriy yil 12-oktyabrda Oʻzbekiston tomoni tashabbusi bilan Oʻzbekiston Respublikasi Milliy gvardiyasi qoʻmondoni general-mayor R. Djurayev hamda Tojikiston Respublikasi Milliy gvardiyasi qoʻmondoni general -leytenant B. Jamalzodaning ilk uchrashuvi video-konferens-aloqa shaklida boʻlib oʻtdi.

    Suhbat chogʻida tomonlar ikki tomonlama hamkorlikning dolzarb yoʻnalishlarini muhokama qildilar va davlat xavfsizligi, tasniflangan davlat obyektlarini himoya qilish, shuningdek, oliy harbiy taʼlim sohasidagi hamkorlik va konstruktiv muloqotni yanada rivojlantirishga oʻzaro tayyor ekanliklarini bildirdilar.
    Muzokaralar natijasida bir qator oʻzaro tashriflar, qoʻshma mashqlar va amaliy mashgʻulotlar tashkil etish, shuningdek, xizmat koʻrsatish va jangovar faoliyatning barcha yoʻnalishlari boʻyicha tajriba almashish borasida kelishuvga erishildi, deb xabar beradi Oʻzbekiston Respublikasi Milliy gvardiyasi matbuot xizmati.
    Uchrashuv oʻzaro tushunish va doʻstlik muhitida boʻlib oʻtdi.