Samarqand—Toshkent—Samarqand yoʻnalishida “Afrosiyob” elektropoyezdining qoʻshimcha harakati yoʻlga qoʻyiladi. Bu haqda “Temiryoʻlekspress” matbuot xizmati xabar berdi.
Maʼlum qilinishicha, ushbu yoʻnalishdagi qoʻshimcha poyezd yoʻlovchilarga qulaylik yaratish maqsadida 15—31-dekabr kunlari hamda 2025-yilning 3—12-yanvar kunlari oraligʻida haftaning juma, shanba va yakshanba kunlari amalga oshiriladi.
Poyezd jadvali quyidagicha:
- 775-sonli Samarqand—Toshkent yoʻnalishi: Samarqanddan joʻnash soat 10:55 da— Toshkentga yetib borish soat 13:15 da.
- 776-sonli Toshkent—Samarqand yoʻnalishi: Toshkentdan joʻnash soat 13:56 da— Samarqandga yetib borish soat 16:14 da.
