Bosh prokuraturasi huzuridagi Iqtisodiy jinoyatlarga qarshi kurashish departamentining xabar berishicha, oʻtkazilgan tezkor tadbirda fuqarolar M.A, I.A. va boshqalar “Yangi Sergeli” koʻchasidagi savdo majmuasi avtoturargohida 100 AQSH dollarlik kupyuradagi jami 9 000 qalbaki AQSH dollarini fuqaro B.Z ga 5 000 AQSH dollariga sotayotgan vaqtida ushlanib, qalbaki kupyuralar ashyoviy dalil sifatida olingan.
Hozirda holat yuzasidan Jinoyat kodeksining 176-moddasi (qalbaki pul, aksiz markasi yoki qimmatli qogʻozlar yasash, ularni oʻtkazish) bilan jinoyat ishi qoʻzgʻatilib, tergov harakatlari oʻtkazilmoqda.
