Ichki ishlar vazirligi Jamoat xavfsizligi departamenti Yo‘l harakati xavfsizligi xizmatining ma’lum qilishicha, joriy yilning 11 mart kuni 3 nafar yigit haydovchilik huquqiga ega bo‘lmagan holda boshqa shaxsga tegishli, davlat raqam belgisi echib olingan va miltillovchi chiroqlar o‘rnatilgan «Gentra» avtomobilini boshqargan.

Shuningdek, ular harakat davomida yo‘lning qarama-qarshi yo‘nalishiga chiqib, harakat xavfsizligiga jiddiy xavf tug‘dirgan.

Qoidabuzarlar aniqlanib, ularning 2 nafariga 5 sutkadan ma’muriy qamoq jazosi tayinlandi. 1 nafariga esa BHMning 3 baravari (1 mln 236 ming so‘m) miqdorida jarima tayinlandi.

Shu bilan birga, transport vositasini boshqarish uchun ularga bergan shaxs ham javobgarlikka tortilib, BHMning 5 baravari (2 mln 60 ming so‘m) miqdorida jarimaga tortildi.

Huquqni muho-faza qiluvchi organlar yo‘l harakati qoidalariga qat’iy rioya qilish zarurligini yana bir bor eslatmoqda.